المهندسه رودينا ديراز تكتب خواطرها
اوقات الايام مش بتدينا كل حاجة بس بتعملنا الصبر علي الوصول للحاجة الي احنا عايزينها ونفسنا فيها
ياسلام علي كوباية الشاي الي بتنزلك و انت اعد سرحان و بتفكر في حياتك هتمشي ازاي وتيجي تبص للي في جيبك و تلاقي يدوب يكفيك وتضحك و تقول الحمد اللّٰه و تبص للسما وتقول انت عالم بارب أنا ورايا اية
ولا اما تروح لصحابك و كل واحد يشكي الي عنده و ساعتها تضحك بينك و بين نفسك و تقول ده أنا طلعت غلبان وسطهم وأنا الي فاكر نفسي عندي بلاوي كتير ده الحمد اللّٰه علي النعمة الي الواحد فيها
الشيلة تقيلة يارب بس اعمل اية بس اقولك حاجة يارب أنا متأكد انك سامعني وجمي ومش هتسبني بالرغم من كل الي بيحصلي وتقولي مش هتسبني اه ربك مش هيسيبك ده هو بيأهلك و بيدربك عشان العوض الكبير خلاص علي وصول هينفع تستقبل ضيف جاي ليك و انت مش جاهز ومش لابس كويس ومش عارف هتقوله اية طب يقولو عليك اية مش بتفهم في الأصول ولا اية ده انت من امة الحبيب سيدنا النبي محمد عليه الصلاة و السلام
طب ينفع شخص من أمة الحبيب يبقي شكله وحش قدام الضيوف و لا عندو أصول استقبال اكيد لا طبعا يبقي سيبها علي اللّٰه عشان الضيف الي جاي غالي و الغالي مش بيجي غير للغالي الي زيه